आता जाणवताहेत...

न जाणे कित्येक वर्षे .....
मी असा आतमध्ये
हे विश्व घेउन जगतोय
माझ्याही नकळत
पुटावर पुट चढ़ताहेत
आवरणाची
प्रावरणाची
हव्या असणा-या अन नसणा-याही
विचारांची ....
मी मात्र मग्न , हरवलेला...
भौतिकतेतच..

पण जेंव्हा आता
अचानक दिसतेय प्रतिमा
त्या शुन्यतेची
तसा उलगडत चाललोय मी
मला स्वतःला..
रेशमाच्या अलगद लडीसारखा
आता जाणवताहेत
त्या वळकटया
सा-या विश्वाच्या ..
त्या शुन्य जगाच्या
माझ्याच विचारांच्या..
आता जाणवताहेत...

पृथा...
art by prasanna