मी चिंतातुर

मणामणाचे ओझे माझ्या या माथ्यावर
रणागणाचे युद्ध जणू या कुरुक्षेत्रावर
मी चिंतातुर

अखिल जगाचे दडपण माझ्या या मनावर
ना कशाची पर्वा ना परिणाम या जनावर
मी चिंतातुर

इथे असा मी समाधिस्थ मी केव्हापासून
झगडत बसतो 'मी' प्रत्येकाच्या मनामनातुन
मी चिंतातुर

कुपामंडूक मी ना यातून बाहेर पडणार
मुक्तही झालो तरी स्वातंत्र्याशी लड़णार

मी चिंतातुर होतो
मी चिंतातुर आहे
मी चिंतातुर असणार

पृथा..
art by prasanna